“Më shumë preferoj të jem mjeshtër i varfër, sesa një shërbëtor i pasur”

NEW YORK, NY - MAY 21: Actor Michael Caine attends the "Now You See Me" New York Premiere at AMC Lincoln Square Theater on May 21, 2013 in New York City. (Photo by Astrid Stawiarz/Getty Images)

21:38 | 6 Prill 2017
Trina Galanxhi

Ikona e kinematografisë britaneze, Michael Caine, ka lëvdëruar vendimin e Britanisë së Madhe për të braktisur BE-në, ndërsa ka shtuar se njerëzit kanë votuar për ‘lirinë’.

Përderisa negociatat e divorcit mes BE-së dhe Britanisë së Madhe tashmë janë zyrtarizuar, 84-vjeçari është shprehur optimist për të ardhmen e Britanisë, transmeton portali arbresh.info.

“Unë mendoj se e ardhmja e Britanisë do të jetë e ndritur”, ka thënë ai.

“Unë kam votuar për Brexit, sepse më parë dua të jem një mjeshtër i varfër, sesa një shërbëtor i pasur”, ka shtuar ai.

“Kjo nuk ka të bëjë me racizmin, apo me emigrantët…thjesht ka të bëjë me lirinë”, tha Caine.

Ai u ka bërë thirrje kritikeve që të mos kenë frikë për të ardhmen e Britanisë jashtë BE-së, ndërsa ka shtuar se ‘politika, gjithmonë ka qenë dhe do mbetet kaotike’./Arbresh.info